پەپولە

پێشکەش بە رۆحی پاکی مامۆستا ناسری زیایی . ئەم پارچە شیعرە لە سالی ٨٨ بۆ ئەو وتومە:

دماو بالایت هوەسیانێ پەپولە

نە زانام لاو کئ مەردانێ پەپولە

بە سۆتەو بالۆ تۆ کەوتان جە پەرواز

وەڵێ تۆ ئەم سراویانێ پەپولە

*****

دماو کۆچیت بیان بێ رابەرو یار

دماو کۆچیت بیان جە گیانی بێزار

دۆعام هەر ئانە بێ بگنو وەلێ تۆ

وەلێ تۆ ئەم نە سۆتانێ پەپولە

.

.

.

هیزی شەو شادی هەم بەردانێ بازار

ماچۆ هەی بەردە بەردەی خاس و خەمبار

خەمێوە کەچەلی خرتۆڵە ئامە

دوبارە هەم ورەشیانێ پەپولە

داستان کوتاه (سەلما)

بلەنگۆ مزگی گیسیانە ، لالۆ ئەورەحمان بە دەنگە گرەکەیش دەسش کەرد بە قسە کەردەی ، ئێدە مدرا سە رۆ چۆکاوە نیشتەرە حەمەش کۆلەشۆ ئاردەرە و نەما دەمش نەکا گرەوۆ و نازۆ حالیش بۆ چێش ماچۆ. _ نەهیە لوێ بێ پەی سپاو مەریوانی کیاستێبێشاوە ماچۆ پیێوە ریش چەرمە قەسەمش واردەن هەرکەسی گێرا نامێش مزگیەنە وەناوە تا کەسو کارش بزانا مەنەن _بەشکەم دەولەت چێوەیش کیاستە بۆ _بەشکەم جەسیم نەمەردە بۆ _بەشکەم شێخ گیان ئامابۆوە ، بەشکەم... وەلێ دلێ خشە خشۆ بلەنگۆکەینە ئینە ش حالی بی : هەر کەس تفەنگش هەن بارۆ دۆش تەحوێل .... هەناسێوە کالش هۆرکێشت دلش تەمیارە کۆتۆ ویرۆ برنەوە کۆڵەکۆ جەسیمی چێرۆ یاگەکێنە._ با دۆش تەحوێل_ با بۆ پەی رۆ تەنگانەی _ تفەنگی بێ فیشەک چێشش چەنە مێ! _خوا برۆ تفەنگی خوا برۆ جەنگی! خەمێو ئاما و خەیالش بری. _ ئای جەسیم گیان شەڵلای نلاینی من چێش کەرو بە شش زارۆڵا. کەوتۆ ویرۆ قێرەکەو کاکەیش : مەگەر نەواتم شوش پەنە مەکەرە ئینە سەرعەرزا دەردە مەوەرۆ ،ئانا سەعە ئینا لاو ژەنو زارۆلاشۆ ، کاکە جەسیمیچ غەزا کەرۆ ،پاسارێ کشۆ ، تارانی گێرۆ!! حەیفۆ تۆ نەبۆ؟ پەنج دەگا حەسرەتۆ تۆوە بێ، ئیسە من واچو چێش، من نانۆ زارۆلەکاو وێچم بە حال پێدا کەرو . وەسیمی هێوەریچش لوان پەی تارانی. حەمە ش گێرتۆ کۆلێ، حەمەی زەردەل ئاورایێوە چەمێش چاقیێ بێنێرە . کەوتۆ را. دوبارە چەقاوە دلێ خەیاڵا _ئەگەر تاتەم مەنەیا _ئەگەر جەسیم بیەیا _ئەگەر شێخ گیان ئامەیاوە _خوا برۆ شێخی ئاد بی بایێس _تۆبە خوا _لەمە ی ئاورا هیچش حالی نیا کەوتێنا کفر _خۆ هەر من نیەنا ٧٥ ژەنی رزگاریا بێ شو و داماگێ کەوتێنی پەنج دەگانە. _وەلێ هیچکام پێسە و من و زارۆلاو من ئاوراشا نیا _براشا هەن، تاتەشا هەن، لالۆ و مامۆشا هەن، هێوەر و هەسورەشا هەن. ئاااخ ئاخ حەمە خیالەکێش پرچنا، دیسان دەمش لار کەردۆ ، دەنگش بە حال بەر ئێ. هازۆ گرەوایچش نەبێ، دلێ گرەوا کزەکەیشەنە ماچۆ : ئاخ ئەدا گیان نانما بیەیا. بۆەو یەهەریش ئاماوە سەر، لوتەش کزناش، کەمێو کۆلەشۆ هۆرش کێشت، ماچۆ رۆلە بەش ئەدات مرۆ. _رەحمەت فانۆسێ وێش سۆچنا نەجاتش بی_ ئیسە زارۆلەکێش تێرێنێ. ئاخر یانە بیەی فرە سەختا، راكێ هەر نەبریێوە. پلەکانی تەمامیێ بێنێ ، رای پێچاو پێچە. جەسیم خیالش بێ کەرۆش پلەکانی ئەرشەدی ناست . ماچۆ را وەشە مەکەرە پێ کۆمەڵا و پاسارا. یاوا یانە، هەناکەش لوێ ئاسمان ، شەیدا و شەرارە و شاپور و ئەشرەف و شەهینە ئینێ سەرۆ قالیە شرەکێوە زەرد و زایف و بێ هاز کەوتێنێ. حەمەش گێرتەرە و نیاش پالشا. بانگۆ مەغریبیشا دا، گۆشەو هۆشەکێنە پوتۆ نۆتەکێ چڕای چڕێش. ئەشرەف ویەردۆ ، دیسان کەوتۆ کەف پرنای . بەردەبێش بێداشت قرس و شە ربەت شا پەی ئرمانابێ. چوزانا نانشا نیا. بە هەر حال بێ ئاماوە وێشەرە ئەوەل قسە ماچۆ : ئەداگیان ئاوراما!! گرۆڵیۆ خەلاسی بێ تەمامیا بەرە شیە پە ی بەری نەما پوتۆ نۆتەکێ زارۆلەکێ نەزاناشا چێش کەرۆ هازیچشا نەبێ بزانا. شەیدا زاناش. تا شە یدا بە قیژە جمارە ، پوتەکێش نون داوە ملۆ وێشەرە، ئەویچێ زاناشا ، دەسش کرد بە گێلای پەی ئەشقارتەکێ . زارۆلەکێ یاوێ لاش دەسشا کەرد بە قیژنای و قێرنای و گرەوای، بە دل گرەوێنێ و ڵاڵیێنێوە، دامنە ش کێشێنێ ، وێچش گرەوای گرەوێ، ئەشقارتە کێش ئێستۆ. ئننە تن تەقناش مەریا و گمە بیە. دانێ تەرەش بەر ئاردە خیالش بێ تەقنۆش بلەنگۆ مزگی گیسیانە ، ئجیاش لالۆ ئەورەحمانا خیالش بێ گیسنۆشەنە مدیۆ دەنگێو تە را نەژناسیان قێرناش وس وس وس بزانو کێن زارۆلەکێ پێسە هۆرێشلە گولالا کزشا کەرد اشقاتەکی هەلای دەسشۆ بێ کابرایێ فارس بێ ماچۆ: جهت اطلاع اهالی هورامان افراد زیر دستگیر شده و در مریوان تحت بازجویی هستند. محمد بهرامی حامد رمضانی جسیم محمدی ... هە ر واتش جسیم محمدی چاولای دەنگش ئەجێ لوا بنۆ چالێ شە وە بیە رۆ، دەسێش کەوتێ لەرزای . ئەشقاتەکێ کەسی نەزانا کۆتە کۆ. قریویوش کەرد و نیشتەرە بە دەنگی بەرز وەشیێوە تێرتێر گرەوێ زارۆلەکێش پێسە جوجەڵا گرتێ باوشی و فشارێشا حەمە ماچۆ ئەدا ئانە چی ئننە بۆوەت گۆلە نە ئیف ئیف لابەرە وەرم دە گردی پێوە رە دەسشا کەرد خوای بۆ نەفتەکێ بیە وەشتەرین بوەو دنیای.