شنە و شەونم

شەونم مدرا بێ سە ر لە قۆ

ئاما پالش شنەو سەبای

ماچ ماچانێوەشا کەردەو

کەوتێ سلام و مەرحەبای

واران وارێ

شەونم جە وەشی دیداری

قرێوێوش کەرد

چۆپیش کێشا ووێش وستەرە

قۆلش کەرد قۆلۆ دلۆپاو وارانیەرە

ئاسمانۆ کەوتێ هۆرپرای

بەقێو ئاما سەرلەقەکە

دەسش کەردەن وەنەو سەفحەو گەمە گولانێ

شنە بە نەرمێ نویسێش

نەتاواێ نۆقتێ بنیۆرە

شە ەونم

دلۆپە وارانێ

بیێ نۆقتێ

شارەدار

مەزانو چێشت لاونو

سەراوەکەو روانسەرۆ دلێ چەمیت

گیلاسۆ کولمی بۆ وەشیت

گۆرالە حاجیانەکێ دلێ دەمیت

یا نەرمە وەروە گەرمەکێ سەرۆ دەسیت

بزانە دل هەوارۆ تۆن

شارۆ تۆن

و تۆنی شارەدارەنی

نگارەنی

لەتەرێ

ناستم ئیتر رۆنە بێ بەر

روجیار پرسی جیاتی وەری

هۆرگیلێنێ رو بەئادێ

دۆ دوینێ شیرین کەرێ

گۆل عادز بێ

دەرە بێ دەنگ

ئاوەرو سەراوی بەرێ

دلبەرەو من

وەختێ مێ بەر

دنیا دلش بۆ لەتەرێ

خەمبار هەرامی(اسماعیل کریمی نژاد)